Fövqəladə Hallar Nazirliyinin (FHN) İdman-Sağlamlıq Mərkəzində təşkil olunan tədbirin açılış mərasimində əvvəlcə karateçilərin paradı olub.
Azərbaycan Dövlət Himni səsləndirildikdən sonra Ümummilli Lider Heydər Əliyev və Vətən uğrunda canlarından keçmiş şəhidlərin xatirəsi bir dəqiqəlik sükutla yad edilib.
Azərbaycan Karate Federasiyasının prezidenti Ülvi Quliyev yarışda 50 klub və müxtəlif regionlardan idmançıların iştirak etdiyini vurğulayıb. O, qalib xalqın gənclərinə sadəcə idmanda deyil, bütün sahələrdə uğurlar arzulayıb. Ü.Quliyev Azərbaycan karateçilərinin həmişə olduğu kimi, gələcəkdə də bayrağımızı beynəlxalq arenalarda daim yüksəklərə qaldıracağına inandığını söyləyib. Federasiya rəhbəri ölkəmizdə karatenin kütləviliyinin artırılması və perspektivli idmançıların müəyyənləşdirilməsi baxımından belə turnirlərin əhəmiyyətini də qeyd edib.
Gənclər və İdman Nazirliyinin İdman şöbəsinin müdiri Elnur Məmmədov isə Azərbaycanın bütün dünyada idman ölkəsi kimi tanındığını diqqətə çatdırıb. Azərbaycan Karate Federasiyasının ildən-ilə inkişaf etdiyini deyən E.Məmmədov bu idman növü üzrə əldə edilən uğurlardan bəhs edib.
Təntənəli açılış mərasimi sonrası AKF -in prezidenti Ü.Quliyev, Gənclər və İdman Nazirliyinin İdman şöbəsinin müdiri E.Məmmədov, Milli Olimpiya və Paralimpiya Komitələrinin əməkdaşları bir neçə kateqoriyada qalib olmuş karateçiləri təltif edib.
Son yarış günü isə yeniyetmə, gənc və böyüklərin gərgin mübarizəsi ilə yadda qalıb. Çempionat və birinciliyin qalib mükafatçıları diplom və medallarla təltif ediliblər.
Mükafatları idmançılara AKF-in vitse-prezidentləri Füzuli Musayev, Rəhman Hətəmov, Allahverdi Rüstəmov, federasiyanın baş katibi Qabil Sayadov, Hüquq və İntizam Komitəsinin sədri Həmid Məmmədov, Texniki və Məşqçilər Komitəsinin sədri Əhməd Əfəndi və AKF prezidentinin köməkçisi Vüsal Abdullazadə təqdim ediblər.
4 günün nəticələrinə əsasən “Təhsil – RİM” klubu birinci, “Qaraqaplan İdman Klubu” ikinci, Qara Brilliant İdman Klubu isə medalların sayına görə üçüncü yeri tutub.
Qeyd edək ki, Azərbaycan çempionatında fərqlənən idmançılar milli komandanın heyətində hazırlıqlara cəlb olunacaqlar.
Karate üzrə yeniyetmə və gənclər arasında 29-cu ölkə birinciliyi, böyüklər və parakarateçilər arasında 32-ci ölkə çempionatının qaliblərinin siyahısı:
| Yeniyetmələr 14-15 yaş (29-cu ölkə birinciliyinin qalibləri)
Oğlanlar: -57 kq (Əliəşrəf Qafarov / Qaraqaplan İK), -63 kq (Saleh Qasımzadə / Qaraqaplan İK), -70 kq (Murad Dinç / Jaguar İdman Klubu), +70kq (Raul Səfərəliyev / Mərkəzi Karate Məktəbi), Kata: Aliksey Lapayev / Arpaçay Karate Klubu) Qızlar: -47 kq (Miranə Zeynalova / Qara Brilliant İK), -54 kq (Məlahət Məmmədova / Qaraqaplan İK), -61 kq (Aytac Hacızadə / Təhsil RİM), +61 kq (Aliya Məmmədova / Gəncə AKF), Kata: Şəlalə Rüstəmova (Qaraqaplan İK |
| Gənclər / 16-17 yaş (29-cu ölkə birinciliyinin qalibləri)
Oğlanlar: -55 kq (Əli Səfərov / FHN İSM), -61 kq (Rauf İmanov / Şotokan Karate-do İB), -68 kq (Ələddin Məlikov / Təhsil RİM), -76 kq (Ayxan Ağamirzəyev / Qara Brilliant İK), +76 kq (Rahib Əzim / Təhsil RİM), Kata: Salman Salmanov (Mərkəzi Karate Məktəbi) Qızlar: -48 kq (Sunay Kazımlı / Qaraqaplan İK), -53 kq (Fatma Hacıyeva / FHN İSM), -59 kq (Gülay Orucova / Birlik Karate Klubu), -66 kq (Cansu Əhmədzadə / Qarabağ Karate Klubu), +66 kq / kata Ramilə Heydərova / Təhsil RİM) |
| Gənclər / 18-20 yaş (29-cu ölkə birinciliyinin qalibləri)
Oğlanlar: -60 kq (Fərid Savadov / Təshil RİM), -67 kq (Aslan Dostuyev / Təhsil RİM), -75 kq (Xudaş Ağayev / Təhsil RİM), -84 kq (Nihat Kərimzadə / FHN İSM), +84 kq (Vahid Həsənov / Fudokan Mərkəz), Kata: Salman Salmanov (Mərkəzi Karate Məktəbi) Qızlar: -50 kq (Fatimə Cəbrayılova / Təhsil RİM), -55 kq (İlahə Məmmədova / Arpaçay KK), -61 kq (Oksana Nakoneçna (Arpaçay KK), -68 kq (Aysu Əliyeva / Qaraqaplan İK), +68 kq (Fatimə Bədəlova / Gəncə AKF), Kata: Samirə Məmmədova (FHN İSM) |
| Böyüklər / 18+ (32-ci ölkə çempionatının qalibləri)
Kişilər: -60 kq (Fərid Savadov / Təhsil RİM), -67 kq (Hüseyn Məmmədli (Şotokan Karate-do İB), -75 kq (Rəşid Süleymanov / Təhsil RİM), -84 kq (Turqut Həsənov / Mərkəzi Karate Məktəbi), +84 kq (Vahid Həsənov / Fudokan Mərkəz), Kata: Roman Heydərov (Arpaçay Karate Klubu) Qadınlar: -50 kq (Fidan Teymurova / Qaraqaplan İK), -55 kq (Mədinə Sadıqova / Qaraqaplan İK), -61 kq (Aysu Əliyeva/ Qaraqaplan İK), -68 kq (Aysel Qasımova / Qara Brilliant İK), +68 kq (Bədəlova Fatimə / Gəncə AKF), Kata: Ramilə Heydərova / Təhsil RİM)
|
| Parakarate, 16 yaşdan yuxarı
Kişilər: Nihat Məmmədzadə Qadınlar: Gözdən zəiflər (K10) Emiliya Mitlinova Kişilər: Əlil arabası (K30) Vidadi Xalıqov |
