AKF
30/08/2024
Deflimpiya Komitəsi və AKF arasında Əməkdaşlıq haqqında Anlaşma Memorandumu imzalanıb -FOTO
2024-cü il 28 avqust tarixində Azərbaycan Respublikası Deflimpiya Komitəsi və Azərbaycan Karate Federasiyası arasında Əməkdaşlıq haqqında Anlaşma Memorandumu imzalanıb. Memoranduma əsasən hər iki qurum ölkədə deflimpiya hərəkatının inkişafı, eşitmə məhdudiyyətli şəxslərin idmana cəlb edilməsi və bu istiqamətdə inkişafın təmin edilməsi üçün birgə təkliflərin işlənib hazırlanması, görüşlərin, layihələrin, maarifləndirici işlərin həyata keçirilməsi kimi sahələrdə qarşılıqlı fəaliyyət göstərəcəklər.
AKF
28/08/2024
Karateçilərimiz Türkiyədə 6 medal qazandı – FOTO
Azərbaycan Karate Federasiyasının idmançıları Türkiyənin Marmara şəhərində keçirilmiş beynəlxalq turnirdə uğurla çıxış ediblər. Ümumilikdə yarışda 8 ölkənin yeniyetmə və uşaq karateçiləri mübarizə aparıblar. Təmsilçilərimizdən Elbadi Nəcəfli və Xədicə Qasımova bütün rəqiblərinə qalib gələrək qızıl medala sahib olublar. David Kolesnikov fəxri kürsünün ikinci pilləsinə qalxıb. Əkbər Adıgözəlov, Mehdi Nəcəfzadə və Əkbər İbrahimov bürünc medal qazanıblar. Qeyd edək ki, beynəlxalq turnirdə fərqlənən idmançılar arasında kişilərdən ibarət yığma komandamızın baş məşqçisi Şahin Atamovun yetirmələri də var.
AKF
08/08/2024
AKF tərəfindən sertifikasiyadan müvəffəqiyyətlə keçmiş, fəaliyyətinə icazə verilən məşqçi müəllimlərin – SİYAHISI
Azərbaycan Karate Federasiyası tərəfindən bütün karate üslubları üzrə sertifikasiyadan müvəffəqiyyətlə keçmiş, fəaliyyətinə icazə verilən məşqçi müəllimlərin S İ Y A H I S I Ətraflı aşağıdakı linklərdə: * İdman karatesi * Ənənəvi karate üslubları * Kontakt karate üslubları Sertifikatlar 01 may 2026-cı il tarixinədək etibarlıdır.
AKF
03/08/2024
Karateçilərimiz Rusiyada 12 medal qazandı – FOTO
Azərbaycan Karate Federasiyasının idmançıları Rusiyada keçirilmiş "Open Rossiya" beynəlxalq turnirində uğurla çıxış ediblər. 22-26 iyul tarixlərində baş tutmuş seminarın ardınca karatecilər mübarizəyə qoşulublar. Azərbaycan, Rusiya, Qazaxıstan, Özbəkistan, Turkiyə, İran, Belarus, Misir və Ermənistan təmsilçilərinin qatıldığı yarışda ümumilikdə 1200 iştirakçı qüvvəsini sınayıb. İdmançılarımızdan Nəsimi Musayev -70 kq. çəki dərəcəsində bütün rəqiblərinə qalib gələrək qızıl medala sahib olub. Nərgiz Aslanova -25, Cəlal Şükürov -35, Mehdi Abdullayev +35 kq. çəki dərəcələrində yarışın gümüş mükafatlarına yiyələniblər. Kamran Cəfərli +42, Qəhrəman Rzaquliyev -30, Dəniz Nəcəfli -47, Mədinə Sadıqova -55, Günay Ramazanova -55, Aysel Məmmədova +66, Məhəmməd Kazımlı -60, Murad Hacızadə +84 kq. çəki dərəcələrində bürünc medallara sahib olublar. Nəticədə karateçilərimiz beynəlxalq turniri 12 medalla başa vurublar.
AKF
29/07/2024
Hidayət Heydərov Olimpiya çempionu oldu!
Fransanın paytaxtı Parisdə keçirilən Yay Olimpiya Oyunlarında Azərbaycan cüdoçusu Hidayət Heydərov (73 kq) finalda fransalı GABA Joan-Benjaminə qalib gələrək Olimpiya çempionu oldu. Azərbaycan Karate Federasiyası adından təbrik edirik!
AKF
27/07/2024
Gəncə şəhərində hakimlik seminarı keçirilib – FOTO
Azərbaycan Karate Federasiyasının Gəncə regionunda məşqçi və hakimlərin hakimlik səviyyəsinin artırılması məqsədilə AKF-nın rəhbərliyi və baş hakim Cahangir Babayevin başçılığı ilə Gəncə -Daşkəsən Regional Gənclər və İdman İdarəsinin Akt zalında idman karatesi (WKF qaydaları) üzrə seminar keçirilib. Seminarda Gəncə- Daşkəsən regionu üzrə AKF-nın nəzdində fəaliyyət göstərən bütün üslublar üzrə hakimlər iştirak edib.
AKF
24/07/2024
Ənənəvi karate komandamız Türkiyədə fərqləndi – FOTO
Azərbaycan Karate Federasiyasının ənənəvi karate stili üzrə komandası Türkiyədə keçirilən beynəlxalq turnirdə uğurla çıxış edib. Bursa şəhərində təşkil olunmuş yarışda mübarizə aparan karateçilərimiz turnirin bürünc medallarına sahib olublar. Ayxan Şabanzadə, Hüseyn Sadiqov və Cavid Quliyevdən ibarət kollektivimiz 15-16 yaş kateqoriyasında fərqləniblər.
AKF
21/07/2024
Ənənəvi karate üslubu fudokan üzrə turnir keçirilib – FOTO
20 iyul tarixində Azərbaycan Karate Federasiyasının rəhbərliyi ilə ənənəvi karate üslubu Fudokan üzrə Gənclər və İdman Nazirliyinin yaranmasının 30 illiyinə həsr olunmuş turnir keçirilib. İlk üç yeri qazanan karateçilər AKF tərəfindən xüsusi təsis edilmiş medal və diplomlarla mükafatlandırılıb.
AKF
19/07/2024
Tələbə karateçilərimiz Macarıstanda uğurlu çıxış etdilər – FOTO
Azərbaycan Karate Federasiyasının idmançısı Fərid Savadov (-60 kq.) Avropa Universitet Oyunlarının qalibi adını qazanib. Macarıstanın Mişkolts şəhərində keçirilən qitə miqyaslı yarışın finalında karateçimiz Andras Laslonu məğlub edib.Heyəti Fərid Savadov, Ramil Baxşəliyev, Nicat Kərimli, Vahid Həsənov və Osman Osmanlıdan ibarət komandamız isə yarışı gümüş medalla başa vurub. Xatırladaq ki, daha öncə Aysu Əliyeva, Renata Ərəbli, Suada Kərimova və Fatimə Cəbrayılovadan ibarət komandamız ölkəmizin aktivinə bürünc medallar yazdırmışdı. Qeyd edək ki, Avropa Universitet Oyunlarında kişilərdən ibarət yığma komandamızın baş məşqçisi Şahin Atamov və qadınlardan ibarət yığmamızın baş məşqçisi Şahin Xudaverdiyev də iştirak ediblər.
AKF
17/07/2024
Tələbə karateçilərimiz Macarıstanda fərqləndilər – FOTO
Azərbaycan Karate Federasiyasının idmançıları Avropa Universitet oyunlarında uğurla çıxış edirlər. Macarıstanın Miskolts şəhərində keçirilən yarışda iştirak edən karateçilərimizdən Fərid Savadov (-60 kq) finala vəsiqə qazanıb. Savadov qızıl medal uğrunda görüşdə Andras Laslo ilə qarşılaşacaq. Karate üzrə kişi və qadınlardan ibarət komandalarımız da fərqlənməyi bacarıblar. Fərid Savadov, Nicat Kərimli, Ramil Baxşəliyev, Vahid Həsənov və Osman Osmanlıdan ibarət kollektivimiz finala adlayıb. Təmsilçilərimizdən Nicat Kərimovun həlledici görüşdə qələbə qazanması komandamızın finala yolunu açıb. Bu mərhələdə karateçilərimiz Türkiyə kollektivi ilə üz-üzə gələcək. Aysu Əliyeva, Renata Ərəbli, Suada Kərimova və Fatimə Cəbrayılovadan ibarət komandamız isə Macarıstan kollektivini üstələyərək bürünc medallara sahib olub. Qeyd edək ki, Avropa Universitet Oyunlarında kişilərdən ibarət yığma komandamızın baş məşqçisi Şahin Atamov və qadınlardan ibarət yığmamızın baş məşqçisi Şahin Xudaverdiyev də iştirak edirlər.