İlk mərhələdə istifadəçi qeydiyyat bölməsində öz istifadəçi adını, adını və soyadını daxil edir. Növbəti mərhələdə şəxsi elektron poçt ünvanı qeyd olunur.

Üçüncü mərhələdə isə minimum altı simvoldan ibarət, hərf və rəqəmləri əhatə edən etibarlı şifrə yaradılır və təsdiq məqsədilə təkrar daxil edilir.

Qeydiyyat tamamlandıqdan sonra Azərbaycan Karate Federasiyası tərəfindən göstərilən elektron poçt ünvanına təsdiq məktubu göndərilir. Məktubun daxilində müvafiq aktivasiya linki yerləşdirilir.

Aktivasiya linki 24 saat müddətində qüvvədə olur (tokenin bitmə vaxtı). 24 saat ərzində mütləq təsdiq olunmalıdır. Əks halda, təhlükəsizlik tələblərinə uyğun olaraq, qeydiyyatı yenidən etməli olacaqsınız.

E-mail linki vasitəsilə hesabınızı təsdiq etdikdən sonra şəxsi kabinetə daxil olursunuz və “Hesabım” bölməsinə keçid edirsiniz. Bu bölmədə bütün məlumatlar Azərbaycan dili şriftlərindən istifadə etməklə doğru, düzgün şəkildə yazılmalıdır.

Ağ fon üzərində, sinədən yuxarı, 3x4 formatına uyğun, keyfiyyətli foto əlavə edilir. Foto və məlumatlar əlavə edildikdən sonra sistem tərəfindən adminə təsdiq üçün göndərilir. İnzibatçı təsdiq etdikdən sonra sizə bildiriş gələcək.

Bildiriş gəldikdən sonra lisenziyaya müraciət edirsiniz. Lisenziya müraciətini şəxsi kabinet üzərindən etmək mümkündür.

Lisenziya təsdiq olunduqdan sonra elektron şəhadətnamə / sertifikat (QR kodlu) əldə olunur. Sertifikatı çap etmək mümkündür və verifikasiya kodu ilə istənilən vaxt yoxlamaq olar.

Lisenziya təsdiq olunduqdan sonra şəxsi kabinetin alt hissəsində “Klub” bölməsi aktiv olur. Klub məlumatlarını daxil edirsiniz və təsdiqə göndərilir. İnzibatçı klubu təsdiq etdikdən sonra artıq hər bir idmançınızı sistemdə qeydiyyatdan keçirə biləcəksiniz.

Məlumatları düzgün daxil etmək məsuliyyətdir. Bu məlumatlar əsas bazada yer almaqla yanaşı, müəyyən hissəsi (ad, soyad, fəxri ad, məşqçilik stajı, kəmər dərəcəsi, klub, idmançılar və s.) ictimai səhifədə paylaşılır.