Azərbaycan karateçiləri dünya çempionatının 3-cü gününə qədər 4 medal qazanıblar

Polşanın Bielsko-Biala şəhərində keçirilən WKF üzrə kadetlər, gənclər və U21 arasında 14-cü dünya çempionatında Azərbaycanın yeniyetmə və gənc karateçiləri 1 qızıl, 1 gümüş və 2 bürünc medal qazanıblar.

Medalçılarımız:

Şamo Kamilov (U16, +70 kq) qızıl medal;
Vüsal Qənbərov (U18, +55 kq) gümüş medal;
Rəsul Qənbərli (U16, -52 kq) bürünc medal;
Nurlan Əlimuradov (U16, -70 kq) bürünc medal.

Azərbaycan nümayəndə heyəti yarışda federasiyanın baş katibi Qabil Sayadovun, baş məşqçilər Elnur İbrahim və Anar Allahverdiyevin, köməkçi məşqçilər Coşqun Sadiqov və İsmayıl Quliyevin (kata) rəhbərliyi ilə iştirak edir.

Sabah U21, -75 kq kateqoriyası üzrə Rəşid Süleymanov bürünc medal uğrunda tatamiyə çıxacaq...

Beynəlxalq dərəcəli hakimlərimiz Cahangir Babayev tatami menecerinin köməkçisi, Vüqar Kərimov isə apellyasiya hakimi qismində fəaliyyət göstərirlər.

Azərbaycan Karate Federasiyası medal qazanan idmançılarımızı və məşqçilər heyətini təbrik edir, gələcək yarışlarda uğurlar arzulayır.