05 aprel 2024-cü il tarixində Azərbaycan Dövlət Bədən Tərbiyəsi və İdman Akademiyasında Avstriyanın ComplexCore+ təşkilatının icraçı direktoru, Akademiyanın “Bədən tərbiyəsi və idmanda reablitasiya” proqramı üzrə məsul şəxs Roman Yahoda tərəfindən hazırlanmış “Basics to spesifics” kitabının təqdimat mərasimi keçirilmişdir.

Təqdimat mərasimində Azərbaycan Karate Federasiyasının əməkdaşları da iştirak etmişdir.

Qeyd edək ki, kitabda funksiyonal anatomiya üzrə təməl biliklər, hərəki fəallığın skrininqi, motor bacarıqların qiymətləndirilməsi, fiziki məşq nümunələri və prinsipləri, eləcə də məşq prosesinin tərtib edilməsi üzrə detallı məlumatlar verilmişdir.

AKF-in tədbirlər planına uyğun olaraq Sulutəpə qəsəbəsində fəaliyyət göstərən “Dəmir yumruq” klubunda karate-do üzrə kyu imtahanı keçirilib. İmtahan AKF-in Texniki və Məşqçilər Komitəsinin rəhbərliyi ilə baş tutub.

Federasiya prezidenti Ülvi Quliyevin rəhbərliyi ilə keçirilən iclasın gündəliyindəki əsas məsələlərdən biri məşqçi-müəllimlər üçün imtahan və seminarların təşkili, eləcə də onlara lisenziyaların verilməsi olub. Bildirilib ki, təkcə dekabr ayında 3 seminar təşkil olunub ki, bu tədbirlərdə də ümumilikdə 92 məşqçi-müəllim iştirak edib.
İclasda həmçinin AKF-in regionlar üzrə nümayəndəliklərin yaradılması və yerlərdə müvafiq şəxslərin nümayəndə qismində təyinatı müzakirə edilib. Bununla bağlı namizədlərin siyahısı yaxın günlərdə AKF rəhbərliyinə təqdim ediləcək.
Toplantı zamanı AKF-də fəxri prezidentlik institutunun yaradılması məsələsi də müzakirə olunub və bu istiqamətdə müvafiq qərarlar qəbul edilib.
İclasın sonunda tamamlanma mərhələsində olan AKF-in rəsmi saytı ilə bağlı federasiya rəhbərliyinə hesabat verilib. Saytın yaxın günlərdə tam olaraq istifadəyə verilməsi qərara alınıb.

Əziz həmvətənlər!
Sizi xalqımızın qədim adət-ənənələrinə söykənən milli bayramlarımızdan biri olan Novruz bayramı münasibətilə səmimi-qəlbdən təbrik edir, bahar təravətli xoşbəxt və sağlam həyat, bayram ovqatı və sevinc dolu günlər arzulayırırıq.

Hörmətlə,

Azərbaycan Karate Federasiyasının idarə heyəti