07 aprel 2024-cü il tarixində Azərbaycan Karate Federasiyasının rəhbərliyi ilə Ənənəvi Karate Növü üzrə Fudokan nümayəndəliyinin klublar arası turniri keçirilmişdir.
Məqsəd yeniyetmə və gənclər arasında Fudokan karate idman növünə marağın artırılması, idmançılar arasında dostluq əlaqələrinin genişləndirilməsi, sağlam həyat tərzinə çağırış, asudə vaxtın səmərəli təşkilidir.
Turnirin açılış mərasimində Azərbaycan Karate Federasiyasının baş katibi Qabil Sayadov, Dünya Fudokan Federasiyasının Azərbaycan üzrə nümayəndəsi Vüsal Abdullazadə, turnirin təşkilatçısı Aqil Soltanov və digər şəxslər çıxış edərək idmançılara uğurlar arzu edib.
Park Plyus İdman Sağlamlıq Mərkəzində reallaşan klublar arası turnirdə 100-ə yaxın karateçi öz güclərini sınamışdır.
Qaliblər Azərbaycan Karate Federasiyasının təsis etdiyi medal və diplomlarla mükafatlandırılmışdır.
