21 aprel 2024-cü il tarixində Azərbaycan Tibb Universitetinin Tədris İdman Komleksində ənənəvi karate üzrə “KWU – WFKF” Azərbaycan birliyinin 37 nəfərdən ibarət hakimləri ilə seminar keçirilib.
Seminarda Azərbaycan Karate Federasiyasının Hüquq və intizam komitəsinin sədri Həmdiyyə Məmmədov və AKF-nın Hakimlər komitəsinin sədri Cahangir Babayev iştirak edib. İlk öncə dəvət olunan qonaqlar, hakimlərə ədalətli olmağı və gələcəkdə beynəlxalq yarışlarda ölkəmizi layiqincə təmsil etmək üçün öz üzərilərində daha çox çalışmaqlarının vacib olduğunu bildirib və bütün hakimlərə uğurlar arzulayıblar.
Sonra birliyin vitse-prezidenti Qələndər Aslanov hakimlərə “KWU”-nun beynəlxalq yarışların kumite qaydaları haqqında ətraflı məlimat verdi və qeyd etdi ki, növbəti yarışlarda ana dilində yazılmış kumite, kata və tameşivari haqqında qaydalar kitabı sizlərə təqdim olunacaq və bu sizin işinizi daha asan edəcək. Bundan əlavə gələcəkdə hakimlərin kateqoriya almaları üçün seminarlar və imtahanlar keçiriləcək.
Sonra “KWU-WFKF” birliyinin Hakimlər komitəsinin sədri Rüstəm Umudov praktiki seminarlara başlayıb. 4 saat davam edən seminarda idmançılar döyüşməklə yarışda baş verən situasiyaları göstərdi, hakimlər bayraqlarla və giriş-çıxış qaydalarını işlədi, meyarlar əsasında suallar verilib və yerində bütün suallar cavablandırılıb.
