Fövqəladə Hallar Nazirliyinin İdman Sağlamlıq Mərkəzində təşkil olunan tədbir Dövlət Himninin səsləndirilməsi ilə başlayıb. Daha sonra Azərbaycanın Ümummilli Lideri Heydər Əliyevin və ölkəmizin ərazi bütövlüyü uğrunda canlarından keçmiş şəhidlərin xatirəsi bir dəqiqəlik sükutla yad edilib.
Ötən ilin yekunları ilə bağlı danışan Azərbaycan Karate Federasiyasının prezidenti Ülvi Quliyev qazanılan uğurlar barədə məlumat verib. İdmana dövlət tərəfindən daim diqqət və dəstək göstərildiyini vurğulayan federasiya rəhbəri bildirib ki, bu qayğını hər zaman yüksək qiymətləndirmək lazımdır. O, yeni ildə idmançılardan daha böyük uğurlar gözlədiyini diqqətə çatdırıb.
AKF-nin vitse-prezidenti Füzuli Musayev 2025-ci ilin idmançılar üçün daha uğurlu keçəcəyinə inandığını bildirib.
Daha sonra AKF- in vitse prezidentləri Rəhman Hətəmov idman karatesi üzrə, Allahverdi Rüstəmov isə kontakt üslub üzrə və baş katib Qabil Sayadov federasiyanın ötənilki fəaliyyəti ilə bağlı hesabatlar vermişlər.
2024-cü ilin yekunlarına dair nominasiyalar:
1. “İlin idmançısı”
1.1 Həsənov Əliqismət (məşqçisi Ələsgər Qarayev) – kontakt üslub / kyokuşinkay
1.2 Məmmədli Hüseyn (Qarayev Əbülfət) – idman karatesi
1.3 Heydərov Roman (məşqçisi Vahid Eyvazov) – idman karatesi / kata
1.4 Əhmədov Eldar (məşqçisi Rəfael Məmmədov) – idman karatesi / parakarate
2. “İlin ən yaxşı məşqçisi”
2.1 Qarayev Ələsgər – kontakt üslub / kyokuşinkay
2.2 Qarayev Əbülfət – idman karatesi
2.3 Əliyev Rənad – idman karatesi / parakarate
2.4 Ayvazov Vahid- idman karatesi / kata
3. “İlin hakimi”
3.1 Vüsal İsrafilov – idman karatesi üzrə
3.2 Nazim Mövsümzadə – kontakt üslub / koşiki karate üzrə
4. “Ən yaxşı idman klubu”
4.1 Təhsil RİM – idman karatesi üzrə
4.2 Paşa İK – kontakt üslub / kyokuşinkay üzrə
Həmçinin bir sıra beynəlxalq yarışlarda yüksək nəticələr əldə etmiş karateçilər “2024‐cü ildә göstәrdiyi yüksәk nailiyyәtlәrә görә”, onların məşqçiləri isə “2024‐cü ildә yüksәk dәrәcәli idmançıların hazırlığında göstәrdiyi xidmәtlәrә görә” fəxri diplomları ilə təltif ediliblər.
Tədbirdə həmçinin bir sıra Televiziya (mətbuat, media) nümayəndələri də il ərzində AKF ‐in idman tәdbirlәrininin işıqlandırılması vә karate idman növünün tәbliği vә tәşviqi sahәsindә göstәrdiyi dәstәyә görә təltif edilib.
