28 iyun 2025-ci il tarixdə Ağdam Olimpiya İdman Kompleksində Ağdam Rayon İcra Hakimiyyətinin dəstəyi, Azərbaycan Karate Federasiyasının təşkilatçılığı ilə mərhum idmançı Elçin Mahmudovun xatirəsinə həsr olunmuş karate üzrə Qarabağ turniri keçirilib. 20-ə yaxın komandadan 200-dən çox idmançının qatıldığı turnirdə Ağdam Rayon İcra Hakimiyyətinin başçısı Vaqif Həsənov, aparatın əməkdaşları, mərhum idmançının ailə üzvləri, Qarabağ Regional Gənclər və İdman İdarəsinin rəisi Anar Əsgərov, Ağdam Olimpiya İdman Kompleksinin direktoru Bəhruz Kazımov, AKF -in baş katibi Qabil Sayadov, AKF prezidentinin köməkçisi Vüsal Abdullazadə, veteran idmançılar və rayon ictimaiyyətinin nümayəndələri iştirak etmişlər. Turnir əvvəlcə Dövlət Himninin səsləndirilməsi ilə açıq elan olunmuş, Ulu öndər Heydər Əliyevin və şəhidlərin əziz xatirəsi bir dəqiqəlik sükutla yad edilmişdir. Daha sonra çıxış edən Rayon İcra Hakimiyyətinin başçısı Vaqif Həsənov və digər natiqlər ölkəmizdə idmana göstərilən dövlət qayğısından, idmançılara yaradılmış şəraitdən bəhs edərək yarış iştirakçılarına uğurlar arzulamışlar. Yarışın sonunda mərhum idmançı Elçin Mahmudovun anası çıxış edərək turnirin təşkilatçıarına və iştirakçılara minnətdarlığını bildirmişdir.

Turnir qaliblərin mükafatlandırılması ilə başa çatıb.