Gənclər və İdman Nazirliyinin növbəti Kollegiya iclası keçirilib

Yanvarın 16-da Gənclər və İdman Nazirliyində növbəti Kollegiya iclası keçirilib. Nazir Fərid Qayıbovun sədrliyi ilə baş tutan iclasda gündəlikdə duran məsələlər ətraflı müzakirə olunub və müvafiq qərarlar qəbul edilib.

İclasda, həmçinin, Azərbaycan Karate Federasiyasının fəaliyyət istiqamətlərinin genişləndirilməsi ilə bağlı məsələ nəzərdən keçirilib. Müzakirələrin yekununda “Ənənəvi karate”, “Fudokan karate”, “Fullkontakt şinkyokuşin karate” və “Kyokuşin (Kay) senşi karate” üslublarının Azərbaycan Karate Federasiyasının fəaliyyət istiqamətlərinə əlavə edilməsi barədə qərar qəbul olunub.

Qəbul edilmiş qərara əsasən, adıçəkilən karate üslubları ölkə ərazisində yayılan və inkişaf etdirilən rəsmi idman fənləri kimi tanınıb.