Qocyu-ryu karate üzrə XXII açıq respublika çempionatı və birinciliyi keçirilib - FOTO

Abşeron Olimpiya İdman Kompleksində Gənclər və İdman Nazirliyinin və Azərbaycan Karate Federasiyasının rəhbərliyi ilə Qocyu-ryu karate üzrə XXII açıq respublika çempionatı və birinciliyi keçirilib. Yarışın rəsmi açılış mərasimində AKF-in vitse-prezidenti Rəhman Hətəmov, baş katib Qabil Sayadov, Hüquq və İntizam Komitəsinin sədri Həmid Məmmədov, GİN-in sektor müdiri Aydın Məmmədov, nazirliyin İdman şöbəsinin aparıcı məsləhətçisi Fəqan Səfərov və Qocyu-ryu stili üzrə rəhbər Tarverdi Allahverdiyev iştirak ediblər.
Yarışda ümumilikdə 21 komanda və 200-ə yaxın idmançı mübarizə aparıb.
Qeyd edək ki, bu yarışda fərqlənmiş idmançılar yığma komandanın tərkibində, Avropa və Dünya çempionatında ölkəmizi təmsil edəcəklər.