AKF -nın gənc və yeniyetmə idmançılardan ibarət yığma komandası "Karate 1 Liqa" yarışlarında qüvvələrini sınayacaq

Azərbaycan Karate Federasiyasının gənc və yeniyetmə idmançılardan ibarət yığma komandası Xorvatiyanın Poreç şəhərindədir. Komandamız adı çəkilən şəhərdə keçirilən reytinq xarakterli Karate 1 Liqa yarışlarında iştirak edir.

21 yaşadək idmançıların mübarizəsində Aysu Əliyeva, Ramil Baxşəliyev, Nicat Kərimli, Fərid Savadov və Amin Yadigarı mükafatlara iddialıdırlar.

Gənclərin yarısında Raul Əliyev, Rahib Əzim, Fərid Hacızadə, Kamil Kərimli, Elçin Şiriyev, Rəşid Süleymanov və Gülay Orucova mükafatlar uğrunda mübarizə aparacaq.

Yeniyetmə idmançılarımızdan Aqil Rzayev, Hüseyn Hüseynov, Məhyəddin Cəfərli və Marat Semixov ölkəmizin idman şərəfini qoruyacaqlar.

Kata yarışlarında Ramilə Heydərova və Salman Salmanov bacarığını nümayiş etdirəcək.

Komandamıza bu yarışda AKF-in baş katibi Qabil Sayadov və gənclərdən ibarət yığma komandamızın baş məşqçisi Anar Allahverdiyev rəhbərlik edir.