Karateçimiz Asiman Qurbanlı "Belarus Open" 2024-ün qalibi oldu - FOTO

Yığma komandamızın üzvü Asiman Qurbanlı Belarusiyanın Minsk şəhərində keçirilən "Belarus Open - 2024" beynəlxalq karate turnirində +84 kiloqram çəki dərəcəsində bütün rəqiblərinə qalib gələrək fəxri kürsünün ən yüksək pilləsinə qalxıb. 19 oktyabr tarixində start götürən beynəlxalq turnir 20 oktyabr tarixində yekunlaşacaq. Qeyd edək ki, karateçimizi şəxsi məşqçisi Seymur Xudaverdiyev, AKF -nın böyüklərdən ibarət yığma komandasının baş məşqçisi Şahin Atamov və AKF -nin vitse prezidenti Rəhman Hətəmov yarışa hazırlayıb.