Aşihara karate üslubu
(New International Karate Organisation)
Aşihara karate üslubu müasir döyüş taktikasına, real hərəkət trayektoriyalarına və dairəvi manevr prinsiplərinə əsaslanan, praktiki və effektiv müdafiə-hücum sistemini özündə birləşdirən beynəlxalq karate məktəblərindən biridir. Bu üslub klassik kyokuşin ənənələri üzərində formalaşaraq, idmançının döyüş zamanı məsafə, bucaq və balansdan düzgün istifadə bacarığını ön plana çəkir, fiziki hazırlıqla yanaşı, yüksək taktiki düşüncə tələb edir.
New International Karate Organisation xətti ilə Aşihara karate üzrə beynəlxalq arenada dünya və Avropa çempionatları, rəsmi turnirlər, seminarlar və təlim toplanışları mütəmadi olaraq keçirilir. Hazırda bu üslub dünyanın 38 ölkəsində rəsmi şəkildə təmsil olunur və geniş beynəlxalq şəbəkə vasitəsilə inkişaf etdirilir.
Azərbaycan Respublikasında Aşihara karate üslubu da ardıcıl şəkildə inkişaf etməkdədir. Ölkəmizdə bu fənn üzrə 9 məşqçi-müəllim fəaliyyət göstərir və gənc idmançıların fiziki, texniki və mənəvi hazırlığının yüksəldilməsinə xidmət edirlər.
Azərbaycanda Aşihara karate üslubunun rəsmi nümayəndəsi 1-ci dan qara kəmər ustası Şahin Bağırovdur. O, bu istiqamətin ölkəmizdə təşkili, beynəlxalq əlaqələrin qurulması və milli kadr potensialının formalaşdırılması sahəsində fəaliyyət göstərir.
