Fudokan karate üslubu (World Fudokan Federation)
Fudokan karate üslubu texniki dəqiqliyə, elmi-metodiki yanaşmaya və klassik karate fəlsəfəsinə əsaslanan, müasir dövrün tələblərinə uyğun şəkildə formalaşmış beynəlxalq karate məktəblərindən biridir. Bu üslubun əsasını bədən biomekaniyası, hərəkətlərin səmərəliliyi, təhlükəsizlik və uzunmüddətli idman inkişafı prinsipləri təşkil edir.
Hazırda Fudokan karate üzrə 107 ölkə World Fudokan Federation-in üzvü kimi beynəlxalq strukturlarda təmsil olunur. Dünya və qitə çempionatları, beynəlxalq turnirlər, elmi konfranslar, seminarlar və hakim-məşqçi hazırlığı proqramları bu federasiyanın xətti ilə mütəmadi olaraq təşkil edilir.
Azərbaycan Respublikasında Fudokan karate üslubu da ardıcıl şəkildə inkişaf etdirilir. Hazırda ölkəmizdə bu fənn üzrə 25 peşəkar məşqçi-müəllim fəaliyyət göstərir və gənc idmançıların texniki, fiziki və mənəvi hazırlığının yüksəldilməsində mühüm rol oynayır.
Azərbaycanda Fudokan karate üslubunun rəsmi nümayəndəsi 5-ci dan qara kəmər ustası Vüsal Abdullazadədir. O, bu istiqamətin ölkəmizdə beynəlxalq standartlara uyğun təşkili, metodiki bazasının formalaşdırılması və milli kadr potensialının hazırlanması sahəsində fəal fəaliyyət göstərir.
