Şotokan karate üslubu
(World Shotokan Federation)
Şotokan karate üslubu klassik yapon karate məktəblərinin ən geniş yayılmış və nüfuzlu istiqamətlərindən biri olmaqla, güclü dayaq mövqeləri, sürətli və dəqiq zərbə texnikası, yüksək intizam və mənəvi tərbiyə prinsipləri ilə səciyyələnir. Bu üslub bədənin və zehnin vəhdətini, iradənin möhkəmləndirilməsini və döyüş mədəniyyətinin formalaşdırılmasını əsas məqsəd kimi qarşıya qoyur.
World Shotokan Federation xətti ilə beynəlxalq arenada dünya və Avropa çempionatları, iri miqyaslı turnirlər, seminarlar və hakim-məşqçi hazırlığı proqramları mütəmadi olaraq təşkil olunur. Hazırda Şotokan karate üslubu dünyanın 90 ölkəsində rəsmi nümayəndəliklərə malikdir və geniş beynəlxalq şəbəkə vasitəsilə inkişaf etdirilir.
Azərbaycan Respublikasında Şotokan karate üslubu WKF sistemi çərçivəsində də fəal şəkildə təmsil olunur. Bu istiqamət üzrə fəaliyyət göstərən məşqçi-müəllimlər eyni zamanda karate (WKF) strukturunda çalışaraq, milli komandanın və gənc idmançıların beynəlxalq yarışlara hazırlanmasında iştirak edirlər.
Azərbaycanda Şotokan karate üslubunun rəsmi nümayəndəsi 5-ci dan qara kəmər ustası Rənad Əliyevdir. O, bu klassik karate məktəbinin ölkəmizdə inkişafı, beynəlxalq əlaqələrin genişləndirilməsi və milli kadr potensialının formalaşdırılması istiqamətində fəaliyyət göstərir.
