Rabatda keçirilən Karate1 Premyer Liqasında İrina Zaretska qızıl medal qazanıb

Mərakeşin paytaxtı Rabat şəhərində keçirilən Karate1 Premyer Liqasında Azərbaycan Karate Federasiyasının milli komandasının üzvü İrina Zaretska qadınların -68 kiloqram çəki dərəcəsində qızıl medala layiq görülüb.

Nüfuzlu beynəlxalq turnirdə uğurlu çıxışı ilə seçilən karateçi final görüşünü inamlı qələbə ilə başa vuraraq fəxri kürsünün ən yüksək pilləsinə yüksəlib.

Azərbaycan milli komandası yarışda böyük məşqçi Rəşad Hüseynovun rəhbərliyi altında çıxış edir.